વરસો જવાને જોઈએ ત્યાં ક્ષણમાં જઈ ચડ્યો

વરસો જવાને જોઈએ ત્યાં ક્ષણમાં જઈ ચડ્યો,
આશ્ચર્ય વચ્ચે એમનાં આંગણમાં જઈ ચડ્યો.

પૂછો નહીં કે આજ તો ક્યાં નીકળી ગયો?
કાજળને સ્પર્શવા જતાં કામણમાં જઈ ચડ્યો.

અંધાર મુક્ત થઈ ન શક્યો રોશની મહીં,
આંખોમાં આંખ નાખી તો પાંપણમાં જઈ ચડ્યો.

કંઈ ચાંદની જ એવી હતી ભાન ના રહ્યું,
જાવું હતું સમુદ્ર ભણી, રણમાં જઈ ચડ્યો.

‘ઘાયલ’ ગયો’તો કેમ સુરાલયમાં શું કહું?
ખૂબ જ હતો હું આજ વિમાસણમાં જઈ ચડ્યો.

Varso javane joine tya kshanma jai chadyo

Gujarati Gazal, Gujarati Ghazal Lyrics, Gujarati Santvani, Gujrati bhajan lyrics

nazir gazal, Mariz gazal , Befam gazal